Алгаа хацартаа наагаад цурхиртал уйлмаар
Адгасан мэдрэмж дахиад л төрлөө
Хараад л баймаар харагдааад л суумаар
Хайрлаад л дуусмаар
Бусдын мөрөөдлийг гудамжнаас олбол
Чиний амьдралаас асуух юм даанч их байна
Нүдээ аниад л хүүхэд насаа мэдрэхсэн...
Уртаар амьсгалмаар, шар үсээ салхинд хийсгэмээр санагдана
Газар доороос дуулдах ганцаардлын дуугаа аялсаар
Гавъяа шагналаар зүрхээ будагсадтай цуг
Гал голомтод чинь багтах хүсэлгүй би
Нүдэнд үзэгдэхгүй ногоон ургамалтай өрөөнд
Нүдээ анилгүй зүүдэлж сурахыг л хчээнэ
Анхных шигээ инээмсэглэлээрээ догдлуулбал чинь
Алхан одно оо, өөрөөсөө..
Алгаа хацартаа наагаад л амьдарлаас
“Хүн” байхаа болих эрх чөлөөг олно оо